चम्पादेवीमा प्रमुख कांग्रेस उप प्रमुखमा एमाले विजयी

नागरिक मिडिया

२०७९ जेष्ठ २, सोमबार मा प्रकाशित १ साल अघि

ओखलढु‌ंगा- चम्पादेवी गाउँपालिका प्रमुखमा नेपाली कांग्रेस उम्मेदवार नवराज केसी (खत्री) ४,७१५ मत ल्याई विजयी भएका छन् । उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार खड्गबहादुर कार्कीलाई १५५ मतान्तरले पराजित गरेका हुन् ।

पराजित खड्गबहादुर कार्कीले ४,५६० मत ल्याएका छन् । उपाध्यक्षमा एमालेका दिलमाया मगर विजयी भएका छन् । उनले ४६,१४ मत पाइन् । उनले निकटतम प्रतिद्वन्द्वी कां‍ग्रेसका कुषा मगरलाई पराजित गरिन । उनले ४४,४७ मत पाएकी छिन् ।

दिलमाया एमालेबाट विजयी हुने पदाधिकारीमध्ये पहिलाे हुन् । एमाले माेलुङ र लिखुमा जित नजिक रहे पनि एमालेकाे पदाधिकारीकाे खाता उनैले खाेलेकी छीन् ।

१० वडामध्ये ७ मा कांग्रेस २ मा एमाले र १ मा माओवादी जित हात पारेका छन् । २०७४ काे निर्वाचनमा प्रमुख उपप्रमुख दुवै कांग्रेसले जितेकाे थियाे । वडामा पनि ७ कांग्रेस २ माओवादी र १ एमालेले जितेका थिए ।