पुस्तकका लेखक राईले आफुले झन्डै डेढ दशक जिल्लामा रहेर पत्रकारिता गर्ने क्रममा संकलन गरिएका थुप्रै समाचार सामग्रीमध्ये महत्वपूर्ण टिपोटहरुलाई छनौट गरेर पुस्तकका विषयवस्तु बनाएकाे बताए ।
पुस्तकको नयाँ कुरा भनेकै ओखलढुंगामा जन्मिएकी डाटी शेर्पाले २०१९ सालमा न्यायका लागि आफुलाई टुक्राटुक्रा बनाएर लिखु खोलामा बगाएको महिलाको बारेमा समेत सम्भवत अहिलेसम्मकै सबैभन्दा बढी खोज पुस्तकमा पढ्न पाइने उनले बताए । याे विषय हालसम्म अलिखित थियाे ।
पछिल्लो समय पुस्तक पढ्ने संस्कृतीबाट हामीहरु धेरै टाढा गैसकेको भन्दै राईले पुस्तक पढेर पुस्तकमा भएका कमी कमजोरी औँल्याईदिन समेत आग्रह गरे । इतिहासलाई साक्षीको रुपमा राखेर, इतिहासलाई टेकेर मात्रै अगाडी बढ्न सकिने भन्दै लेखक राईले पुस्तककाे अर्को संस्करणलाई अझ परिमार्जित गरेर ल्याउने प्रतिबद्धता जनाए ।
पुस्तक लोर्कापण कार्यक्रममा सिद्धिचरण नगरपालिका मेयर तेजन खनाल (तेजेन्द्र), निवर्तमान मेयर मोहनकुमार श्रेष्ठ, मोलुङ गाउँपालिका प्रमुख उत्तम राई, सुनकोशी गाउँपालिका प्रमुख, कमल तामाङ, विभिन्न राजनैतिक दलका प्रतिनिधी, बुद्धिजीबी, सरोकारवाला लगायतको उपस्थिति थियो ।
बाइलाइन मिडिया ओखलढुंगाले प्रकाशन गरेको साे पुस्तक ओखलढुंगा र काठमाण्डाैंका विभिन्न पुस्तक पसलहरुमा किन्न पाइन्छ ।
प्रतिक्रिया दिनुहोस