एकीकृत समाजवादीको घोषणा : अपाङ्गता भएकालाई स्वरोजगार बनाउन निर्ब्याजी ऋण

२०७९ कार्तिक १४, सोमबार मा प्रकाशित १ साल अघि

काठमाडौं-  नेकपा एकीकृत समाजवादी पार्टीले अपाङ्गता भएका व्यक्तिहरुलाई रोजगार वा स्वरोजगार बनाउन निर्ब्याजी ऋण दिने चुनावी प्रतिबद्धता जनाएको छ ।

एकीकृत समाजवादीले सोमबार सार्वजनिक गरेको घोषणा पत्रमा यस्तो प्रतिबद्धता जनाइएको हो । ‘अपाङ्गता भएका व्यक्तिहरुलाई रोजगार वा स्वरोजगार बनाउनका लागि आवश्यक तालिम उपलब्ध गराउनुका साथै व्यवसाय गर्नका लागि निर्ब्याजी ऋण प्रदान गर्ने व्यवस्था गर्न पहल गरिने छ’ घोषणा पत्रमा भनिएको छ ।

अपाङ्गतामैत्री गाउँ/सहर, हाम्रो रहर’ भन्ने नाराका साथ विद्यालय, सार्वजनिक सेवा प्रवाह स्थल, सामुदायिक भवन तथा शौचालयहरू अपाङ्गतामैत्री तथा वातावरणमैत्री बनाइने घोषणापत्रमा उल्लेख छ ।