‍ओखलढुंगामा कसरी आयाे सलह ?

नागरिक मिडिया

२०७७ अषाढ १९, शुक्रबार मा प्रकाशित ३ साल अघि

ओखलढुंगा- ‌ओखलढुंगामा पनि सलहकाे हुलै देखिएकाे छ । यहाँकाे चम्पादेवी गाउँपालिका वडा नं ४ फेदीगुठस्थित चिलाउनेमा सयाै‌ंकाे स‌ंख्यामा सलह देखिएकाे हाे । जिल्लामा पहिलाे पटक सलह समुहमा देखिएकाे छ । यस अघि छिटपुट गाउँ गाउँमा सलह भेटिएका थिए ।

कृषि ज्ञान केन्द्र ओखलढुंगाका अधिकृत छैटौँ हेमबहादुर आलेमगरका अनुसार जिल्लामा सलह हुलमै भेटिएकाे  हाे । यस अघि  भेटिए पनि कार्यालयले पुष्टि गरेकाे थिएन । चम्पादेवीकै वडा नं ८ र वडा नं ३ मा पनि १ सयदेखि डेढ सयसम्मको समुहमा सलह भेटिएकाे छ । मकै लगायत बाली क्षाति गर्न थालेकाे किसानकाे गुनासाे छ ।

जिल्लाका अन्य क्षेत्रमा छिटपुट रुपमा स्थानीय जातकाे फट्याङ्ग्राजस्तै देखिने कीराकाे हुल सलह भएको ज्ञान केन्द्रको दावी छ । क्षेत्रीय बाली संरक्षण प्रयोगशाला विराटनगरमा परीक्षण गर्दा सलह भएको पुष्टि भएको आलेमगरले  बताए । ‘यहाँ देखिएको सलह ठूला ठूला झुण्डबाट छुटिएर साना साना झुण्डमा आएको पाइन्छ,’ उनले भने, ‘अहिले नै बालीनाली क्षति गर्ने अवस्था नभएपनि ठूलो संख्यामा आएको खण्डमा क्षति पुर्‍याउन सक्छ ।’