प्रहरी हिरासतभित्रै चन्दले कसरी गरे आत्महत्या !

नागरिक मिडिया

२०७७ श्रावण २९, बिहिबार मा प्रकाशित ३ साल अघि

कैलालीकाे धनगढी उपमहानगरपालिकामा एक जनाको प्रहरी हिरासतमा मृत्यु भएको छ । धनगढी–१४ फूलबारी गाउँका अन्दाजी ४५ वर्षीय अम्मरबहादुर चन्दको सीमा प्रहरी चौकी बहुलियाको हिरासतमा मृत्यु भएको हो ।

मदिरा सेवन गरी गाउँघरका स्थानीयबासीलाई मार्छु र आफू पनि मर्छु भनेर तर्साउँदै आएका चन्दले आफन्तलाई पनि दुःख दिएपछि बुधबार बिहान तीन बजे प्रहरीले उनलाई नियन्त्रणमा लिई हिरासतमा राखेको थियो । उनी शौचालय गएको अवस्थामा त्यही मृत फेला परेको जिल्ला प्रहरी कार्यालयका प्रहरी नायव उपरीक्षक प्रतीक विष्टले जानकारी दिनुभयो ।

मृतक चन्दको घाँटीमा गहिरो चोट रहेको र घटनास्थलमा ब्लेड फेला परेको बताइएको छ । उनको शव परीक्षणका लागि सेती प्रादेशिक अस्पताल धनगढीमा राखिएको जनाइएको छ ।