यी हुन्, ओखलढुंगाका बाढी, पहिरो र डुवानबाट उच्च जोखिम क्षेत्र

शिवप्रसाद ढुङ्गाना

२०७७ श्रावण ६, मंगलबार मा प्रकाशित ३ साल अघि

ओखलढुंगा- जिल्ला विपद् व्यवस्थापन समितिले जिल्लाका बाढी तथा पहिराेबाट अति जोखिम क्षेत्रको पहिचान गरेर राहत तथा उद्धारको कार्य योजना निर्माण गरेको छ ।

त्यस्ता जोखिमयुक्त क्षेत्रमा कुनै बाढी, पहिरोजन्य विपदबाट जोगिन गरिने प्रतिकार्यका लागि योजना निर्माण गरेको हो । त्यस्ता क्षेत्रमा बसाेबास गर्ने नागरिकलाई सतर्क रहन समितिले अपिल पनि गरेकाे छ ।

विपद् आइहालेमा उद्धारका लागि टाेली पनि एलर्ट रहेकाे सहायक प्रमुख जिल्ला अधिकारी तुलसी भट्टराईले बताए  । जथाभावी सडक निर्माण, पुराना पहिराे नियन्त्रणमा नआएका लगायत कारणबाट जाेखिम वर्षेनि बढेकाे हाे ।

यी हुन्, बाढी तथा पहिरोबाट उच्च जोखिममा रहेका क्षेत्र तथा घरधुरी

पहिरोबाट जोखिम

१. सिद्धिचरण नपा वडा नं. १, ७ र ८ र १०, घरधुरी संख्या- ११०
२. चिशंखुगढी वडा नं. १,२,६,७ र ८, घरधुरी संख्या- १७८
३. मोलुङ गापा वडा नं. ३, ५ र ६ ,घरधुरी संख्या- १०८
४. खिजीदेम्वा गापा वडा नं. १ र ६, घरधुरी संख्या- १३
५. लिखु गापा वडा नं. ६, घरधुरी संख्या- १६
६. चम्पादेवी गापा वडा नं. १, घरधुरी संख्या- ७
७. सुनकोसी गापा वडा न.ं १ र ३, घरधुरी संख्या- ८८
८. मानेभञ्ज्यांग गापा वडा न.. २, ३, ४, ६ र ९, घरधुरी संख्या- ९५

बाढी तथा डुवानबाट जोखिम

१. मानेभञ्ज्यांग गापा वडा न. ६ र ७, घरधुरी संख्या- १३१
२. चम्पादेवी वडा नं. १, घरधुरी संख्या- १२