एक संक्रमित निकाे भए, अब ओखलढुंगा काेराेनामुक्त

नागरिक मिडिया

२०७७ अषाढ २२, सोमबार मा प्रकाशित ३ साल अघि

ओखलढुंगा- भारतबाट आएपछि संक्रमण देखिएका ओखलढुंगाका एक युवाले कोरोना जितेका छन् । विरगञ्ज हुँदै लिखु गाउँपालिकास्थित घर आएका उनलाई असार ७ गते कोरोना संक्रमण भएको पुष्टि भएको थियो ।

उनी जिल्लाका पहिलो संक्रमित हुन् । कामको शिलशिलामा भारत रहेका २८ वर्षीय युवा जेठ ३० गते घर आएका थिए । कोरोनामुक्त भएपछि कोरोना अस्पताल विराटनगरमा उपचाररत रहेका उनी सामेबार डिस्चार्ज भएका छन् ।

१४ दिन उपचारपछि उनी निको भएर घर फर्किन लागेको जिल्ला स्वास्थ्य प्रमुुख सुमन तिवारीले बताए । संक्रमण मुक्त भएका युवालाई घर ल्याउने व्यवस्था गर्न गाउँपालिकालाई जानकारी गराइएको तिवारीको भनाइ छ ।

ती युवा बाहेक अरुलाई जिल्लामा कोरोना संक्रमण देखिएको छैन । उनी डिस्चार्ज भएसँगै ओखलढुंगा संक्रमण मुक्त भएको छ ।