फेरि ओखलढुंगामा स‌ंक्रमण, लिखुका ३ पुरुष संक्रमित

शिवप्रसाद ढुङ्गाना

२०७७ अषाढ २२, सोमबार मा प्रकाशित ३ साल अघि

ओखलढुंगा- ओखलढुंगाका तीन पुरुपमा कोरोना संक्रमण पुष्टि भएको छ ।  साउदि अरव बाट २ जना र एक जना बाग्लुङबाट काठमाण्डाै हुँदै गाउँ फर्किएर क्वारेन्टाइनमा रहेका तीन पुरुषमा आज कोरोना संक्रमण पुष्टि भएको हो ।

लिखु गाउँपालिकाको क्वारेन्टाइनमा रहेका २२, २८ र ३० वर्षीय पुरुषमा कोरोना पोजेटिभ देखिएकाले उपचारको प्रबन्ध मिलाउने काम भइरहेको जिल्ला कमाण्ड पोष्टका सदस्य सहायक प्रमुख जिल्ला अधिकारी तुलसी भट्टराईले जानकारी दिए ।

उनीहरुको अवस्था हेरेर जिल्लाबाहिर पठाउने वा जिल्लामै उपचार गर्ने भन्ने यकिन हुने भट्टराईको भनाइ छ । यस अघि संक्रमण देखिएका लिखुकै एक जना आजै उपचारपछि निको भएर डिस्चार्ज भएका थिए ।