दिनभर मौसम बदली, चट्याङ्गदेखि भारी बर्षा !

नागरिक मिडिया

२०७७ अषाढ २२, सोमबार मा प्रकाशित ३ साल अघि

काठमाडौं-  जल तथा मौसम विज्ञान विभागले आज देशभर मौसम बदली रहने जानकारी दिएकाे छ । विभागका अनुसार सुदूरपश्चिम प्रदेश, कर्णाली प्रदेश, प्रदेश ५, गण्डकी प्रदेश र बागमती प्रदेशका धेरै स्थानमा र प्रदेश १, प्रदेश २ का केही ठाउँमा  चट्याङसहित वर्षा हुने छ ।

संघीय राजधानी काठमाडौंमा बिहानैदेखि पानी परिरहेको छ । प्रदेश ५ र गण्डकी प्रदेशका केही स्थानमा भारी वर्षाको सम्भावना रहेको विभागले जनाएको छ । आज राति  भने देशभर साधारणत: मौसम बदली रहनेछ ।